Youngistan-32,‘લાઈફસ્ટાઈલ બ્લોક’: દવા અને દુઆ, બધું જ નિરર્થક!

યંગિસ્તાન૩૨            

ભાવિન અધ્યારુ, Published on 17th February, 2016 in Phulchhab & Janmabhumi 

હેડિંગ   લાઈફસ્ટાઈલ બ્લોક: દવા અને દુઆ, બધું જ નિરર્થક!

1ચાનક સવારે ચા પીતા પીતા પોતાને સેલ્ફ પ્રોક્લેઈમ નંબર વન કહેતી એક ન્યુઝ ચેનલ પર સમાચાર આવી રહ્યા છે, જવાહર લાલ નહેરુ યુનિવર્સિટીનાં વિદ્યાર્થીઓનું એક સંગઠન ડિસેમ્બર ૨૦૦૧માં પાર્લામેન્ટ પર થયેલા હુમલાનાં મુખ્ય આરોપી અફઝલ ગુરુને શ્રદ્ધાંજલિ આપી રહ્યા છે! ટાઈમ્સ નાઉ પર એક ચર્ચામાં એ જ રાત્રે JNUનાં એક વિદ્યાર્થી નેતાને અર્નબ ગોસ્વામી સખ્ત રીતે ખખડાવી રહ્યો છે, પછી એજ પાછળનો ઘટનાક્રમ અને ગળું ફાડીને બુમો પાડતા સંવાદદાતાઓ. તરત જ મનમાં એક વિચાર ઝડપથી બ્લિન્ક થાય કે આ બધા સમાચારથી આપણી રૂટિન લાઈફમાં કઈ ફર્ક પડશે? બીજી બાજુ સાલું એમ થાય કે આને તો સ્વાર્થીપણું અને સામાજિક મુદ્દાઓ પરથી હટી જવાનું સોફિસ્ટિકેટેડ એસ્કેપિઝમ થયું! લાન્સ હનુમનથપ્પાની શહિદીથી મન બેચેન તો થાય જ ને!

બીજી બાજુ છેલ્લા છ મહિનામાં ત્રણ વખત પેટ્રોલ, ડિઝલ અને સીએનજીના ભાવો વધ્યાનો ઉકળાટ મગજમાં તાજો હતો, ક્રુડ બેરલનાં ભાવ ૧૪૦ થી લઇ અત્યારે છેક ૨૯ ડોલર હોય તો પણ ભારતમાં લિટરે એ જ ભાવ હોય એટલે કોમન મેનને ગુસ્સો આવે જ! એક તરફ મુખ્યમંત્રીની દિકરી અને જમાઈ દ્વારા આચરવામાં આવેલું જમીન કૌભાંડ, એક બાજુ નવસારી પાસે નદીમાં પડેલી બસનો અકસ્માત અને એક તરફ પ્રોપર્ટીના ભાવો આસમાને હતા અને સાલું વિચાર આવ્યોકે વર્ષમાં પગાર તો માત્ર એક જ વાર વધે છે! છેવટે એઝ ઓલ્વેયઝ મગજ બ્લોક થઇ ગયું, વિચાર આવ્યો કે દરેક આમ આદમીની આવી જ હાલત હશે, અને બધે જ તેરી ભી ચુપ મેરી ભી ચુપ નો આલમ છે?

શું ખરેખર ૩૧મી ડિસેમ્બરનાં સેલિબ્રેશન સહુને પરવડતા હશે કે પછી લોકો એમ જ લેખ વાંચીને કે ન્યુઝ જોઈને હરખપદુડા થઇ ને ડિસ્કોથેક કે ફાર્મહાઉસ પહોચી જતા હશે. છેવટે કમાન માંથી છૂટેલું વિચારોનું તીર લાઈફસ્ટાઈલ નામના એક્યુઝ્ડ પર જઈને ખૂંચ્યું! આખી સિસ્ટમને હેક કરી દેનારા થોડા તારણો આ રહ્યા…

 

  • આંખ લાગી ચેટિંગની વાટ લાગી ઊંઘની: સવારે મોટે ભાગે દિવસ શરુ થયા પછી અને છેક મોડી રાત સુધી કમ્પ્યુટર અને લેપ્પી પર ચેટિંગનો જ આલમ છવાયેલો રહે છે. પાપડીના લોટ (ખીચું) થી પેન્ટાગોન સુધી અને મોટે ભાગે યંગસ્ટર્સમાં ગીતો ડાઉનલોડ કરતા કરતા રિલેશનશિપ બનાવાના લંગસિયા નંખાતા રહે છે. પરિણામે લાઈટ ના બિલ ની સાથે આંખો અને શરીર ની હેલ્થ પણ બગડે છે, સારું રીડીંગ કે સ્પોર્ટ્સ તો પોસિબલ નથી જ થઇ શકતા એ લટકા માં!

    

  • બાળપણ ની સાથે આશ્ચર્યને પણ અલવિદા! : બાળપણ અને આશ્ચર્ય? એ વળી કઈ બલાઓનાં નામ, વાતે વાતમાં સોગિયું મોઢું રાખી બોરિંગ ગંભીરતા સાથે ફરવું એ જાણે નિયમ, આઈ વિલ કમ બેક ટુ યુ અને વાતે વાતમાં થેન્ક્યુ અને સોરી કહેવાની ફોર્માલિટી ત્રણ દિવસની વાસી ભાખરી જેવા છે. ફિલ્મો, પુસ્તકો અને કઈ કેટલીય રસપ્રદ વાતોની ગોઠડી જમાવવાને બદલે લેપટોપમાં મોં ખોસીને ફક્ત કોલ ઇન્ડિયાના શેર લેવા-વેચવા અને કોઈ વાતમાં ખુલીને ન હસવું અને નવું જાણવાનું કુતુહલ ન રાખવું એ માનસિક દરિદ્રતા થી વિશેષ કઈ નથી.

 

  • મેન્ટલ સ્ટ્રેસનું જંતરમંતર : સતત મગજને તાણ માં રાખવું અને ટેન્શનમાં ફરવું એ રૂટિન બની ગયું છે, કો-વર્કર્સ, જીએફ-બીએફ સાથેની લમણાઝીંક, ટેન્શનથી તાણ અને પછી દવાઓ ખરીદીને ફાર્મા અને સિગરેટો ફૂંકીને ટોબેકો ઇન્ડસ્ટ્રીને લિફ્ટ કરવાની! ચિંતા ને મહત્વ આપી વહેલું મરી જઈને યંગ અચિવર; બની જવાનું સદભાગ્ય પણ સાંપડે!

 

  • ડિસફંક્શનલ ફેમિલી લાઈફ : લાસ્ટ મિનિટે કેન્સલ થતા ફરવા જવાના પ્લાન, મેરિડ લાઈફના કોમ્પ્લેક્સ્ડ પ્રોબ્લેમ્સ, ધરાર લગ્ન પછી થોડા વર્ષો પછી માં-બાપથી અલગ થવાની માથાકૂટ, સતત બાળકોને કંટ્રોલમાં રાખતું ફોલ્ટી પેરેન્ટહુડ, ઓફિસે મોડે સુધી રોકાવાથી દુરી પ્રેમ વધારેના ન્યાયે કામ ચાલુ જ રહે છે! છેલ્લે કાર્ડિયાક સર્જન સિવાય કોઈ માલામાલ નથી બનતું.

 

  • ફ્રેન્ડસની બાદબાકી : લાઈફસ્ટાઈલ કંઇક એવી બની ગઈ છે કે ફ્રેન્ડ્સ કરતા કલીગ્સ સાથે વધારે સમય વીતે છે, કલીગ ફ્રેન્ડ્સની જેમ બલિદાન, અડધું ટીફીન નથી માંગતા બસ એક સિગરેટ અને ફોર્વર્ડેડ એસએમએસમાં સંતોષ માની લે છે! કલીગ્સનો જન્મદિન ભૂલીએ તો કોઈ ગિલ્ટ ફીલ નથી થતું, ફ્રેન્ડ્સ ઓછા મળતા હોઈ બર્થડે યાદ રાખવાની ઝંઝટ ઓછી થઇ ગઈ છે. લગભગ એવો ખ્યાલ પ્રવર્તે છે કે વર્ષો જુના ફ્રેન્ડ્સ બોરિંગ લાગે અને ચેટિંગમાં મળતા ક્યારેય ન જોયેલા વર્ચ્યુઅલ લોકો નવા લાગે! પ્લસ, ફ્રેન્ડ્સ સાથે પોલિટિકલી કરેક્ટ ન રહી શકાય જયારે કલિગ સાથે કે વર્ચ્યુઅલ જગતમાં તો આ બધા પર્ક્સ મળે!

 

  • સોશિયલ બોયકોટ, ઓન ધ રોક્સ! : મોટે ભાગે કોઈ એક્સવાયઝેડ કઝિનના લગ્નમાં જવા સિવાય ખાસ કોઈ સોશિયાલાઈઝ નથી બનતું, સતત કામમાં ગળાડૂબ રહેવાથી ભલે કમરનો દુખાવો ફ્રી માં મળતો હોય પણ સામે બિઝી રહેવાથી બહુ જવાબ આપવા નથી પડતા, લોકોનો મેળાવડો જોવા ટીવી ચાલુ કરી રિયાલીટી શો માં આવતા સ્પર્ધકોની લાઈન અને જજના તમાશા જોવા પડે છે!

 

  • રવિવાર, રજાઓ અને રાષ્ટ્રીય તહેવારોના દિવસે પણ ઓફિસ વર્ક! : રવિવારે અને કોઈ પણ રજાઓ માં સવારે ટ્રાફિક પણ નથી હોતો, ટ્રેઈન કે બસમાં જગ્યા આરામથી મળી રહે છે, બપોરે ઓફિસે મંગાવાતુ લંચ ફટાફટ આવી જાય છે!, રવિવારની બપોરે આવી ચઢતા મોંઘેરા અતિથીઓથી પણ બચી જવાય છે, અને ફેસબુકમાં સ્ટેટસ મુકાય છે કે રવિવારે પણ કામ! પણ ક્યારેક ઘરે પત્ની, બાળકો અને માં-બાપ સાથે સમય ન વિતાવી શકવાનો અફસોસ જાનલેવા હોય છે.

 

  • મારે કેટલા ટકા વાળો એટિટ્યુડ: દરેક ઘટના બને ત્યારે મારે કેટલા ટકા વાળો એટિટ્યુડ ક્યારેક બહુ રાહત અપાવનારો હોય છે. કેટલીક વસ્તુઓ છેલ્લે લાખ સંકલ્પ અને પ્રોમિસીઝ પછી પણ જેમ નાં તેમ બાકી રહી જાય છે. ન વાંચેલા મેગેઝિન્સ, નોવેલ્સ, ન જવાયેલા હિલ સ્ટેશન્સ, ઋજુતા દિવેકરની ડોન્ટ લુઝ યોર માઈન્ડ,લુઝ યોર વેઈટ વાંચીને કરેલા ડાયેટીંગ પ્લાન્સ, ન જોવાયેલી ફિલ્મો, શિયાળાની હગ્સ, ફોરવર્ડ કર્યા વગર રહી ગયેલા વ્હોટ્સ એપ મેસેજ, ફેસબુક અપડેટ્સ, વાઈફ માટે જાતે બનાવેલી પણ અપાયા વગર રહી ગયેલી ગિફ્ટ, લગ્ન વખતે મળેલો પણ વપરાયા વગરનો ડિનર સેટ, છી છી કરીને દુર રહી ન પિવાયેલી શેમ્પેઈન, ટેણીયા સાથે ન રમેલા બ્લોક્સ, અને જીવનમાં આવેલી કેટલીયે ચુંટણીઓમાં ન કરી શકેલા મતદાન. પેલી જાહેરાત જીવનમાં એકદમ સાર્થક ઠરે છે, ઉસે આને તો દે, એ દિલ એ બેકરાર, ફિર કર લેના જી ભરકે પ્યાર…,આજ કી રાત

Published on 17th February, 2016 in Phulchhab & Janmabhumi

bhavinadhyaru@gmail.com

       ************************************************************

 

Advertisements

One thought on “Youngistan-32,‘લાઈફસ્ટાઈલ બ્લોક’: દવા અને દુઆ, બધું જ નિરર્થક!

  1. I would like to invite you for visit my blog
    inspiredbyinfant.wordpress.com
    Please come and share your experience.

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s